Како и минатите денови така и утрово прилепски средношколци повторно решија да ја бојкотираат наставата во знак на поддршка за граѓанската иницијатива „ЗА ЗАЕДНИЧКА МАКЕДОНИЈА“ и протестираа низ прилепските улици.
Средношколците од Прилеп со македонски знамиња во рацете, се уште едни во низата кои решија да кажат „НЕ“ на двојазичноста и на дебати кои се вовед во промена на химната, знамето и грбот на Република Македонија.
Освен во Прилеп, средношколците овие денови протестираа и во во другите градови низ земјава, а средношколците од ден на ден добиваат се поголема поддршка, а бројката вчера изнесуваше над 600-тини средношколци кои излегоа на улиците низ Прилеп.