Голем број на граѓани од Кавадарци, Неготино и Демир Капија со поплаки дека деновите пред изборите во неделата биле искористени од страна на функционери на СДСМ за вршење на нечовечки притисок и влијание за користење на избирачкото право, јавуваат медиумите.
Некои од лицата кои се јавија во нашата редакција сведочат дека заканите биле дрски, нечовечки и се граничеле со дивеење.
-Ми влегоа дома околу 23 часот. Ако гласаш женати ќе биде избркана од работно место. Не се обидувај да пријавуваш во полиција бидејќи не ти помага никој, само проблеми ќе имаш, вели граѓанин од Неготино.
Во Демир Капија заканите биле кон земјоделците.
-Ако сакаш субвенции догодина тогаш поседи си во недела дома, му било порачано на граѓанин земјоделец од градот на југот, сведочат граѓаните.
Ова покажува дека некои лица од власта вршеле груб терор врз граѓаните и дека според нивните тврдења, постоела и вмешаност на полициски структури во овој заговор против слободната изборна волја.