Рускиот министер за надворешни работи Сергеј Лавров ја заврши официјалната посета на Хрватска со свеченото отворање на новата зграда на руската амбасада во Загреб, а на крајот од посетата се сретна и со хрватскиот претседател Зоран Милановиќ.
Претседателот на Хрватска, Зоран Милановиќ и шефот на руската дипломатија, Сергеј Лавров, денеска во Загреб разговараа за политичките и економските односи меѓу двете земји и за состојбата во Југоисточна Европа, соопшти Кабинетот на претседателот.
Соговорниците разговараа и за можностите за подобрување на односите на Руската Федерација со Европската унија, чија членка е и Хрватска, пренесува Танјуг.
Рускиот министер за надворешни работи претходно се состана со највисоките хрватски претставници како дел од регионалната турнеја за време на која тој ги посети и Босна и Херцеговина и Србија.
Тој во новата амбасада беше пречекан од хрватскиот министер за надворешни и европски прашања Гордан Грлиќ Радман, поранешната претседателка Колинда Грабар Китаровиќ и градоначалникот на Загреб, Милан Бандиќ.
Бандиќ, кој единствено даде изјава за печатот, рече дека Лавров го поканил во Северна Осетија, регион на Кавказ, чијшто почесен граѓанин е и му испратил честитки на рускиот претседател Владимир Путин преку Лавров, кој му дал медал за пријателство.
„Ние сме исто дрво со две гранки. Ние сме една од 27-те главни градови на Европската унија, но никогаш не смееме да ја заборавиме добрата соработка со нашите руски пријатели. Да живее пријателството меѓу хрватскиот и рускиот народ!“, Рече Бандиќ, пренесува Слободна Далмација.
Пред да пристигне во Загреб, Лавров остана во Белград, а пред тоа во БиХ.