Германија, Шведска и Полска соопштија дека ќе протераат по еден руски дипломат како соодветна мерка за протерувањето на нивни дипломати од Москва минатата недела.
Дипломатите беа протерани поради учество во протестите за поддршка на опозицискиот лидер Алексеј Навални.
Федералното Министерство за надворешни работи прогласи вработен во руската Амбасада во Берлин за персона нон грата. Одлуката на Москва да ги протера тројцата дипломати, вклучително и еден Германец, во никој случај не е оправдана – соопштија од германското Министерство за надворешни работи.
Владите на Шведска и Полска објавија слични соопштенија.