Денес се евакуирани околу 4.500 граѓани на Лион, поради бомба тешка 230 килограми, останата од Втората светска војна, објави градската управа во Лион.
Бомбата е пронајдена во деветтиот арондисман во Лион на градилиштето на идниот студентски дом, пренесува париски „Фигаро“.
Поради интервенција на деминерите, во Лион биле прекинати повеќе автобуски линии и метроа.
Црвениот крст обезбеди пет привремени живеалишта за евакуираните граѓани.