Професорот по право Тони Десковски сопруг на поранешната министерка за правда од СДСМ, Рената Десковска важи за експерт кој своите лични убедувања не ги става пред фактите и фактичката состојба.
На Фејсбук тој проговоре за вчерашното фијаско на рочиштето за предметот „Плацеви на Водно“, кога со економското вештачење се докажа дека нема уплати од Македонија и од Груевски на сметка на фирмата од Белизе.
И самиот професор вчерашното рочиште го квалификува како фијаско истакнувајќи дека поради незаконското работење на СЈО сите негови постапки ќе завршат неславно.
-Редно е да се доживее и едно фијаско во судница, за да сфатиме во какво зло се претвори СЈО. Уште во моментот кога се напушти законската рамка, беше јасно дека ќе заврши неславно. Останува уште Судот за човекови права во Стразбур да одлучи за двете прашања: 1) употреба на снимките како доказ и 2) дејството на помилување на претседателот Иванов, пишува професорот.
