Специјалниот суд во Белград го потврди обвинението против Вељко Беливук, Марко Миjковиќ и други членови на нивната криминална група за злосторничко здружување и неколку најтешки кривични дела – вклучувајќи брутални убиства, силување, тортура, трговија со дрога …
Откако беа разгледани жалбите на бранителите, Специјалниот суд го потврди обвинението на Обвинителството за организиран криминал, а адвокатите исто така имаат право да поднесат жалба на оваа одлука во рок од три дена од приемот на решението.
За потсетување, според обвинението, кое вклучува 30 лица, групата на Вељко Беливук е обвинета за пет убиства – Александар Глигоријевиќ, Горан Величковиќ, Лазар Вукичевиќ, Здравко Радојевиќ и Милан љепоја. Членовите на групата, како што е наведено, постапиле по инструкции на водачите на групата, Вељко Беливук и Марко Миjковиќ, кои им дале наредби каде, кога и на кој начин треба да бидат киднапирани и лишени од живот, како и каде дрогата ќе биде пуштена во сообраќај.
Нарачките се пренесувале претежно преку апликацијата „Скај“.