Словачкиот вицепремиер Штефан Холи е позитивен на коронавирус, соопшти денеска владината канцеларија, додавајќи дека тој е во изолација.
Членовите на Владата беа тестирани откако словачкиот премиер Игор Матовиќ вчера изјави дека е позитивен на вирусот, јави ТАСР.
Покрај него, вчера беше соопштено дека позитивни се и потпретседателката на Владата Вероника Ремисова и министерот за одбрана Јарослав Над.
Министерот за заштита на животната средина, Јан Будај е во самоизолација од 15 декември, откако имаше контакт со заразено лице, додека министерот за земјоделство, Јан Мицовски е позитивен, исто така од пред неколку дена.
Другите министри во словачката Влада се во самоизолација, а некои од нив веќе се тестирани за вирусот.
По средбата со Матовиќ, и претседателот на Парламентот Борис Колар е во самоизолација.