Поранешниот советник за национална безбедност на американскиот претседател, генерал Мајкл Флин во интервју за „Њузмакс“ сугерираше дека Доналд Трамп би можел да ги искористи своите овластувања и да повика на воена состојба користејќи ја војската со цел да принуди неколку држави да спроведат повторување на изборите.
Тој тврди дека таквиот потег може да биде неопходен за САД да продолжат понатаму по ваквите „незадоволителни“ избори.
„Нема начин во светот да можеме да се движиме напред како нација […] Во клучните држави, ако [Трамп] сака, тој би можел да ги искористи воените можности, со што би се повториле изборите во овие држави “, рече Флин.
Поранешниот советник на Трамп истакна дека употребата на воена состојба нема да биде „без преседан“, потсетувајќи дека тоа се случило 64 пати во минатото, во различни прилики: од земјотреси и пожари до големи граѓански немири. Меѓутоа, во ниту еден од овие прилики не беше искористена воената состојба или војската за да се повтори гласањето. Покрај тоа, правната фела сè уште дебатира дали е можно прегласува на претседателските избори без преседан во историјата на САД за таква постапка.
Покрај употребата на воена состојба, Флин силно сугерираше дека Трамп треба да ги искористи своите овластувања за запленување на сите машини за гласање од државите каде се дискутабилни изборите, осврнувајќи се на грешка пронајдена во опремата на Доминион гласачки системи во Мичиген.
Генералот навести дека овие машини биле користени за лажирање на изборите против Трамп и тврди дека странските сили, како Кина, Русија, Иран и Венецуела, може да биле вклучени во местење на системите, кои се, всушност, произведени во САД.