Учениците кои оваа учебна година требаше да ја започнат „учејќи од далечина“, се уште не можат да се најават на системот преку кој треба да ги добиваат работните задачи и да присуствуваат на виртуелната настава.
Но, со ваков проблем се соочува најголемиот дел од развиениот свет.
Сите клауд базирани апликации на компанијата „Мајкрософт“, вклучително и апликацијата „Мајкрософт Тимс“ од 28.септември се недостапни за поголемиот дел од светот, информира „Форбс“.
Корисниците на „Мајкрософт Офис 365“, „Аутлук“, „Ексчејнџ“, „Шерпоинт“, „УанДрајв“ и „Азур“ исто така пријавуваат дека не можат да се логираат на клауд сервисите на „Мајкрософт“, а, како и во Макеоднија, добиваат порака за кодот на грешката поради која не работи сервисот – „Ерор 404“, пишува „Форбс.
Според американскиот магазин, се уште постои дилема дали апликациите на „Мајкрософт“ се цел на сајбер-напади, или пак се работи за технички проблем со серверите на компанијата.
Платформата за далечинско учење на Министерството за образование пак, е базирана токму на овие клауд сервиси на „Мајкрософт“.