Во седиштето на американската Централна разузнавачка агенција во Вирџинија, барем еден агент на ФБИ отвори оган кон вооружен напаѓач кој се појави на платото пред главниот влез на агенцијата.
Во соопштението на ФБИ се наведува дека осомничениот излегол вооружен од својот автомобил, поради што агентите на ФБИ отвориле оган и го раниле, пренесува АП.
Напаѓачот, кој досега не бил идентификуван, бил пренесен во локалната болница откако бил повреден, а засега нема информации за неговата состојба.
„Го анализираме овој инцидент и ќе се обидеме да донесеме конкретни заклучци што е можно поскоро во дадените околности“, се вели во соопштението на ФБИ.