Радост, па тага: Слаткиот принц Џорџ навиваше за Англија на „Вембли“ покрај родителите Кетрин и Вилијам

Принцот Џорџ им се придружи на војвотката Кетрин и принцот Вилијам на „Вембли“ за финалето на Европското првенство во фудбал.

7-годишното момче со големи емоции навиваше за Англија, а неговата среќна реакција по првиот гол стана хит на социјалните мрежи.

На крајот од натпреварот се покажа дека Италија е подобрата репрезентација и ја победи Англија на пенали. Претставниците на британското кралско семејство не можеа да го сокријат разочарувањето и тагата, а фотографиите од Џорџ повторно станаа хит на социјалните мрежи.