Чест ми е да застанам пред вас денес, после изминатите два месеци од изборната кампања, од кои што еден месец ни беше припрема, а едниот ни беше интензивна кампања, мислам дека успеавме во овој месец дена да ви ја предложам програмата која што имам намера да ја реализирам во Радовиш со сите оние проекти кои што беа презентирани.
Благодарам за големата поддршка во првиот круг, знам дека вие сте луѓе кои што нема да дозволите да ви биде купена иднината, него вие сами ќе си ја изградите заедно со мене.
Затоа ве повикувам на 31-ви октомври да излезете масовно, бидејќи давајќи го вашиот глас вие ќе помогнете во процесот кој што веќе е почнат. Процесот е почнат затоа што ние веќе имаме мнозинство во Советот, советничката група гарантира дека сите проекти кои што сме ги понудиле, кои што јас лично ќе ги реализирам, Советот на Општината и градот имаат отворен пат за реализација.
Се надевам и дека тоа ќе биде дополнителен поттик кој што граѓаните ќе ги мотивира да излезат и да си го дадат својот глас за својот град. Радовиш да остане на радовишани, да си го вратиме достоинството.
Ве повикувам уште еднаш да гласате за бројот 7, за Ацо Ристов, за градоначалник на Радовиш.