Воведувањето единствен меѓународен сертификат за вакцинација против вирусот корона за патување во други земји е малку веројатно, бидејќи е тешко да се усогласат параметрите на таков документ, изјави за телевизијата „Русија 24“ рускиот вицепремиер Татјана Голикова.
„Ми се чини дека е невозможно да се усогласи, бидејќи не случајно Светската здравствена организација има само еден меѓународен сертификат. Тоа е затоа што е многу тешко да се прифати“, рече Голикова, коментирајќи го воведувањето единствен меѓународен сертификат за вакцинација против вирусот корона.
Според вицепремиерот, усвојувањето на единствен документ е тешко поради спецификите на секоја земја.
„Во ова прашање треба да се потпреме на Светската здравствена организација. Подготвува меѓународни правила во таа област. Ние сме нејзини членови и имаме право да го искажеме своето мислење и да учествуваме во донесување заеднички одлуки“, потенцира таа.
Претходно, Голикова изјави дека воведувањето на каков било вид koвиден пасош што ќе го ограничи движењето на луѓето меѓу земјите е недозволиво.