Авиони натоварени со тенкови кои Русија ги донираше на Србија започнаа да слетуваат на батајничкиот аеродром од вчеравечер, пишуваат локалните медиуми. Неофицијално, испорачани се два тенка Т-72Б1МС „Бел Орел“.
Руската Федерација на Србија и донираше 30 тенкови Т-72МС, а првите веќе се испорачани.
Како што доскорешниот министер за одбрана на Србија, Александар Вулин, истакна во мај минатата година, тенковите Србија ќе ги добие како донација во рамки на воено-техничкиот договор кој е постигнат помеѓу Александар Вучиќ и Владимир Путин.
Во рамкио на овој договор, Србија од Русија, освен овие тенкови доби и оклопни возила, 30 возила БРДМ-2, од кои некои веќе се испорачани.
Србија добива и авиони „МиГ-29“, хеликоптери МИ-17 и МИ-35, ПВО системи „Панцир“.