Американскиот милијардер и основач на инвестициската компанија Bridgewater Associates, Реј Далио, на Twitter напиша дека САД се на работ на граѓанска војна.
„Верувам дека сме на работ на страшна граѓанска војна (како што опишав во серијата ‘Менување на светскиот поредок’), каде што сме на раскрсница меѓу влегување во пеколот на борбата или повлекување за да работиме заедно за мир и просперитет“, напиша Далио.
Тој посочи дека се поставува прашањето дали претседателот и двете страни ќе го постигнат тоа и додаде дека убави зборови и добар дух не се доволни.
„Луѓето ќе мора да се договорат за ‘колачот’ и како да го поделат, а за тоа ќе бидат потребни револуционерни промени“, напиша милијардерот.
Далио оцени дека Соединетите Американски Држави сè уште се во „ужасна финансиска состојба“ и дека тие сè уште се „ужасно поделени“, но додаде дека му се допаѓа тоа што го слушнал од претседателот Џо Бајден на инаугурацијата.
