Она што српската јавност, но и регионалната го исчекува со нeтрпение е свадбата на деценијата која ќе се случи оваа недела во Белград каде ќе се венчаат Вељко Ражнатовиќ и Богдана Родиќ.
Како што вчера во јавноста одекна веста дека на поканите зaдолжително имало и дрес код на облекување до кој мора да се придржуваат сите 500 гости, денеска медиумите откриваат нови детали околу венчавката.
Имено откако во јавноста се откри дека жените треба да носат долги елегантни фустани, а мажите костими, денеска во јавноста проструи веста дека по венчавката младата Богдана ќе го земе презимето Ражнатовиќ, а за нејзиниот фустан ќе се погрижи познатиот дизајнер Бојан Петковиќ.
За фустанот на Цеца ќе се погрижи сопругата на Харис Џиновиќ која е долгогодишен креатор, додека бајрактар на свадбата ќе биде братучедот од Бања Лука, а со оглед дека ќе бидат почитувани традиционалните обичаи Вељко ќе гaѓa јаболко.
Сватовите во домот на Цеца ќе пристигнат во 11 часот, по што ќе се упата во Титл по невестата.
Црковното венчавање е закажано за во 16:30 часот, додека во 19 часот ќе се венчаат пред матичар во елитниот ресторан каде потоа е закажана свадбата на деценијата.
За доброто расположение на гостите ќе се погрижи Александра Младеновиќ и оркестарот на Аце Софронијевиќ.