Во Скопје денеска ќе биде промовиран првиот македонски календар со фотографии од пожарникари-спасители на Скопската противпожарна бригада.
Календарот содржи 13 колор фотографии од сите четири чети на Противпожарната бригада во Скопје направени во просториите на бригадата и во нив се прикажани и дел од возниот парк и заштитната опрема што ја носат пожарникарите.
Иницијатор на проектот е пожарникарот Михаил Караколев, а автор на календарот е фотографот Димитар Апостолов. За кастингот бил задолжен Ненад Келебиќ.
Промоцијата на календарот беше закажана за 14 февруари, но беше откажана поради трагичната сообраќајна несреќа на автопатот Скопје – Тетово.