Седницата на Советот за безбедност на ОН за ситуацијата во БиХ ќе се одржи утре, објавено е на сајтот на светската организација.
На седницата, првично најавена за денеска, треба да се расправа за последниот извештај на Организацијата на високиот претставник (ОХР) и за продолжувањето на мисијата Алтеа, чиј мандат истекува во петок.
Во својот извештај, високиот претставник Кристијан Шмит предупредува дека БиХ е во непосредна опасност од распаѓање и дека постои многу реална можност за нови конфликти.
Седницата е закажана за попладне по локално време.