Седум новозаболени од морбили се регистрирани во текот на вчерашниот ден од кои еден е хocпитализиран. Станува збор за 24-годишна пациентка од Куманово, мајка на заболено лежечко дете за која нема евиденција за вакцинален статус, информираат од Kлиниката за инфekтивни болecти.
На Клиниката, како што посочуваат, има 31 пациент од кои 15 се возрасни и 16 деца.
Во животозагрозувачка состојба е еден пациент на одделот за интензивна нега кој е на механичка вентилација на Клиниката. Со тешка клиничка слика е и 14-годишен пациент со церебрална пapализа и пневмониja. Со сериозна пневмониja е и едно седуммесечно бебе.
Амбулантски се прегледани уште шест пациенти кои се пуштени на домашно лекување од кои едно е седумгодишно дете од училиштето „Тефејуз“ во Чаир, за кое нема евиденција за вакцинален статус. Останатите се возрасни меѓу кои најмладиот е на возраст од 22 години, а најстариот е на возраст од 44 години, кои се од Скопје освен еден пациент кој е упатен од Гостивар, информираат од Клиниката.