Најнова студија вели дека 20 oтсто од вакцинираните со „Синофарм“ во Србија не развиле антитела.
Студија: Секој петти во Србија не развива антитела од „Синофарм“ – еве за кои возрасни групи станува збор
Тоа се главно постари од 70 години, покажува студија на Институтот за медицински истражувања. Студијата од февруари ја спроведува научен тим од Центарот за медицински истражувања во Белград. Таа покажува дека 20 отсто од реквацинираните со„Синофарм“ не развиле антитела. Лекарите од Институтот сега се прашуваат како овие лица ќе се заштитат од заразата и кога треба да добијат следна вакцина на која организмот би требало да реагира.
За еден дел од таа група испитаници кои покажале некаков одговор, макар тоа било и под референтните вредности може да се очекува во случај на контакт со вирусот да бидат барем делумно заштитени, но има и такви кои ниту малку не реагирале на вакцината, пишува српска „Политика“. Инаку, за неполн месец Србија ќе се врати во нормала.
