Премиерот на Албанија, Еди Рама, се огласи по апсењето на повеќе раководни лица во општина Љушња, меѓу нив и градоначалникот Фатос Туше, порачувајќи дека ниту тој, ниту кој било друг нема да има никаква заштита од Социјалистичката партија(ПС) и дека секој за своите дела ќе одговара пред правдата,
Фатос Туше е градоначалник веќе трет мандат од Социјалистичката партија(ПС).
„Секој гласач треба да знае дека нашата лојалност кон него не зависи од ниту еден поединец, туку од знамето на битката на ПС да ја направи Албанија наша иднина и секој избран не смее да заборави дека знамето на ПС не може да стане покритие на никого, за никаков личен интерес или вина”, напиша Рама.
Додава дека тие треба да одговараат пред правдата, со „нивните адвокати и со своите усти”, бидејќи ПС им служи на гласачите, а не на избраните”.
Kryetari i Bashkisë së Lushnjës dhe cilido tjetër i akuzuar nga drejtësia në këtë rast apo në çdo rast, nuk do të ketë asnjë mbrojtje nga Partia Socialiste e duhet të përgjigjen vetë para drejtësisë, me avokatët e tyre e me gojën e tyre! PS u shërben zgjedhësve jo të zgjedhurve.
— Edi Rama (@ediramaal) July 6, 2021
Реагираше и лидерот на опозицијата, Љуљзим Баша, кој наведува дека Туше бил уапсен по обвинувањата од страна на Демократската партија.
„Апсењето на Фатос Туше по повеќегодишните обвинувања од страна на ДП за неговата коруптивна соработка со организираниот криминал, може да биде добар почеток. Но, тоа ќе зависи од стручноста, храброста и независноста на судството да ги погоди врските на власта со криминалот, врските на одмазда со Туше, Браче и посебно Рама, и нивните заеднички придобивки во долгогодишната соработка”, напиша лидерот на демократите на Твитер.
Претходно реагираше и амерканската амбасадорка, Јури Ким, која позравувајќи ја акцијата, порача дека „ никој не е над законот”.