Лидерот на Алијансата за Албанците, Зијадин Села на една средба со албанските печалбари во САД рече дека како коалиција сега имаат само две пратеници бидејќи едниот преминал во ДУИ.
Алијансата за Албанците имаше три пратеници, Зијадин Села, Сурија Рушити и Весел Мемеди, по што се подразбира дека пратеникот кој отишол во ДУИ е Весел Мемеди.
“Никогаш не направив коалиција со ДУИ, но проблемот беше дека не можеше да се формира парламентарно мнозинство без нас. Ние имавме три пратеници, сега имаме две бидејќи едниот отиде во ДУИ”, рече Села.
Тој прати критики и за лидерот на СДСМ, Зоран Заев, поради тоа што, според него, тој се бори само со криминалците од македонскиот дел.