Белгиската влада синоќа постигна договор со кој се потврдува дека нуклеарните централи во земјата ќе бидат затворени во 2025 година, но државата ќе продолжи да инвестира во технологијата за нуклеарна енергија, соопштија денеска белгиските јавни служби РТБФ и ВРТ.
Дебатата траеше со недели во белгиската коалициска влада од седум партии,пренесува „Ројтерс“.
По разговорите во текот на ноќта, клучна група министри постигнаа компромис дека последната постојна нуклеарна централа ќе биде затворена во 2025 година под услов Белгија да инвестира 100 милиони евра (113,4 милиони американски долари) во истражување на идната нуклеарна енергија фокусирајќи се на помали модуларни реактори, објавија белгиските медиуми.
Белгија допрва треба да одреди како да го компензира недостигот на струја, а една од опциите се гасните постројки. Одлука за тоа може да се донесе до март.