Од попладнево депонијата во Струга повторно е во пламен.
Повторно се активираше пожарот кај депонијата во Струга, а пожарникарските екипи се борат со пламенот.
Црни облаци чад пак се надвиснуваат над Струга и струшко и се шири непријатна миризба.
Ова е уште едно ново активирање на пожарот кое доаѓа само една недела откако беше преземена акција за гаснење на претходниот пожар и откако депонијата беше покривана со земја и песок за да се спречат нови вакви непогоди.
Додека граѓаните се сериозно загрижени за своето здравје и загадувањето, новата влада повторно ја покажува на дело својата неспособност.
Жителите на Струга бараат решение за проблемот со дивата депонија која се наоѓа на само 500 метри од градот.