Прекинот на огнот меѓу Израел и Палестинците во Појасот Газа се очекува да почне за неколку часа, изјави за германската ганеција ДПА египетски безбедносен извор.
Израелскиот премиер Бенјамин Нетанјаху ќе го претстави предложениот прекин на огнот што ќе го одобри израелската страна во текот на денов, додаде изворот.
Египет гарантира запирање на лансирање ракети од Газа по најавата на Израел за запирање оган од своја страна, додаде изворот и според него, Египет почнал „шатл“ напори меѓу Палестинците и Израелците да постигнат примирје.
Хамас вчера изјави дека ќе се прекине огнот во петок, но овие информации не беа потврдени од Израел. Во меѓувреме вооружениот конфликт продолжи и денес.