Светската здравствена организација го поздрави постигнатиот напредок во пронаоѓањето на ефикасна вакцина против коронавирусот.
„Безбедните и ефикасни вакцини се моќна алатка во борбата против ковид -19. СЗО поддржува објавување на резултати за ефикасноста на кандидатите за вакцини за „Фајзер”и „Бионтек”, особено за нејзината ефикасност кај постарата популација, која е најризична”, соопшти организацијата на Твитер.
СЗО посочува дека, за да се запре пандемијата на ковид-19, ќе биде потребна вакцина за милијарди луѓе.
„Потребни ни се неколку безбедни и ефикасни вакцини за да ги задоволиме потребите и да го смениме текот на пандемијата”, соопшти СЗО.
„Колку повеќе кандидати за вакцина во развој – толку поголеми се шансите за успех”, заклучува Светската здравствена организација.
