Светската здравствена организација прави тим за да „лови“ нови вируси.
Светската здравствена организација ги бара најдобрите светски научни умови за да насочат истражување на нови патогени кои потенцијално би можеле да преминат од животни на луѓе и да предизвикаат нови пандемии.
СЗО повикувајќи ги експертите да аплицираат, наведува дека Научната советодавна група за откривање на потеклото на нови патогени, ќе разгледа како напредуваат студиите за потеклото на коронавирусот кој се појави во Кина на крајот на 2019 година, јавува Ројтерс.
„Потребни ни се најдобрите умови“, вели Марија ван Керхове, која раководи со Одделот за нови болести и зоонози при Светската здравствена организација.
Групата експерти ќе се состои од 25 члена и се очекува да одржи виртуелен состанок за прв пат на крајот на септември.
