Кандидатот за претседател за Република Македонија проф. д-р Гордана Силјановска Давкова во централниот дневник на Сител телевизија истакна дека е задоволна од резултатот од првиот круг од претседателските избори, односно како што рече таа имала квантен скок во политиката, додека пак СДСМ и Заев доживеале квантен пад од последните избори односно изгубиле дури 40 проценти од гласачите споредбено со минатите локални избори, додавајќи дека СДСМ и Зоран Заев имаат криза на легитимитетот.
Презадоволна сум, еве да се изразиме со речникот на премиерот за мене тоа е квантен скок во политиката, а за нив тоа е квантен пад, бидејќи за 15 месеци да изгубите 40 проценти од гласачите, споредувам од локалните избори е лакмус кој покажува длабока криза на легитимитетот, вели Силјановска Давкова.