Пратениците ги претставуваат граѓаните а не партиите и мислам да останам самостојна и да држам до сопствените ставови. Поважно е кој е кој а не од која партија е, истакна кандидатката на првата изборна единица на ВМРО-ДПМНЕ, Гордана Силјановска Давкова во емисијата „Само Вистина“.
Според неа, јасно е дека Македонија треба да се исправи како што вели изборниот слоган на ВМРО-ДПМНЕ. Тоа е вели дека е асоцијација на Заев за свитканата кичма.
Точно е дека Македонија е мала држава но точно е дека ако не се почитувате себеси не може да очекувате помош од друг. Знам дека е невозможно да бидеме рамноправни во светот на политиката но треба да се исправиме и да се има респект кон нацијата. Ние како нација треба да имаме гордост-вели Силјановска.