Вечерва пожар го зафати Офицерскиот дом во Битола, еден од најубавите архитектонски зданија на Широк Сокак. Според информации од терен, се дознава дека објектот подолг период е без обезбедување, запуштен и оставен без адекватна заштита и грижа.
Пожарот се случил откако бездомник влегол во објектот и запалил оган да се загрее, по некое време огнот се проширил и предизвикал пожар. Реагирала противпожарна единица, по што пожарот бил изгаснат.
Овој немил настан за малку ќе го оштетеше овој објект симбол на Битола низ времето.
Објектот е оставен на забот на времето, а власта не презема ништо за негова заштита и ставање во функција.
Власта иако предизборно и за време на парламентарните, но и за време на локалните избори ветуваше негова заштита и обнова, но ништо конкретно не направи. Офицерскиот дом според плановите на СДСМ требаше да се обнови и пушти во употреба како објект за одржување на културни настани, но ништо од тоа не се реализира досега, напротив истиот е оставен без никаква заштита.