Спротивно на законот ДУИ со државни пари си ја финансирале својата кампања. Во 2016-та година ДУИ примила на своето конто пари од јавни претпријатија АД „Македонска пошта“, АД „Аеродроми на Македонија“ и ЈП „Македонски железници – инфраструктура“, што е спротивно на одредбите од Законот за спречување корупција и Законот за финансирање на политичките партии.
По повод оваа класична злоупотреба на буџетски средства Државната комисија за спречување корупција за ова го известила Јавното Обвинителството
Министерството за финансии и Државниот завод за ревизија од прибраната документација утврдиле дека има основ за прекршување на одредбите од Законот за финансирање на политичките партии и Законот за спречување корупција со кој најстрого се забранува користење буџетски средства, средства од јавни фондови и средства од јавни претпријатија за финансирање изборна активност, односно друга политичка активност.
Сега останува да видиме дали овој случај на очигледна масовна злоупотреба на буџетски средства и пари на граѓаните на Република Македонија ќе доживее епилог.
