Скопјанец направил таен бункер во туѓа нива и во него чувал дрога

- Advertisement -

30-годишен скопјанец доби кривична пријава откако било откриено дека направил импровизиран бункер на нива во близина на градот, каде чувал неколку видови дрога.

„На 06.07.10.2021, полициски службеници извршиле претрес на нива, која пријавениот ја користел без знаење на сопственикот, и на неа направил импровизиран бункер, при што биле пронајдени и одземени еден килограм и 19,55 грама марихуана, амфетамин, кокаин и две ваги со остатоци од марихуана, амфетамин и кокаин“, се вели во полициското соопштение.

Г.Ф. ќе биде гонет за неовластено производство и пуштање во промет на наркотични дроги, психотропни супстанции и прекурсори, велат од МВР.