Словачкиот министер за здравство Марек Крајчи денеска најави дека поднесува оставка. Оставката Крајчи ја најави додека владата се обидува да најде начин за излез од коалицискиот спор во време кога се бори против една од најтешките стапки на инфекции и смртност од ковид-19 во светот.
Словачката владејачка коалиција падна во криза минатата недела, кога премиерот Игор Матович ги заобиколи коалициските партнери и нарача руска вакцина против коронавирусот Спутник V, објави Ројтерс.
Матович ги повикал партиите Слобода и солидарност и За народните лидери да престанат да се политизираат и да не го користат купувањето на руската вакцина Спутник V како изговор за распаѓање на владата.