Се чини проблемите на „големите“ ги засенија проблемите на „малите“, а далеку побројни земјоделци. Македонија веќе 6-ти месец се соочува со сериозна здравствена криза и предизвиците кои ги носи пандемијата на опасниот коронавирусот. Покрај здравствените проблеми за граѓаните, Македонецот се соочува и со сериозни економски проблеми, пари од месец во месец има се помалку, а додека политичарите oд власта се занимаваат „со големски работи“ избори и тоа кој ќе направи Влада, народот е оставен сам на себе да се справи со новонастанатата состојба.
„Смрт за македонското земјоделство“ со овие зборови се обратија лозарите од тиквешијата до Инфомакс, разочарани од откупните цени на грозјето, но и игнорантскиот однос на државата кон македонските земјоделци. Земјоделците од тиквешијата велат дека ако останат овие цени, од наредната година никој повеќе нема да ги работи лозјата.
-За реколтата 2020 откупните цени се катастрофални, Вранецот и Смедервката се најзастапени сорти во Тиквешијата. За 19,9 шекерни единици цената цената по килограм е 6 денари и 0,35 дени по шекерна единица, од 20 до 22 шекерини единици цената на вранецот по килограм е 8 денари или 0, 40 дени по шекерна единица, додека за над 24 шекерни ециници цената 9 денари. Дополнително сумата се исплаќа на рати, а доколку се побара исплата во рок од 7 дена цената се намалува за 1 денар од килограм, велат лозарите.
-Смедервката пак која е најзастапена, од 16,2 до 16,7 шекерни единици цената е 4 денари од кило, од 18 до 19,6 шекерни единици по кило пак цената е 6 денари. За над 19,8 шекерни единици на земјоделците им се исплаќа 6,5 денари по килограм на земјоделието од страна на винариите. Со овие цени повеќе не ни се исплати трудот, догодина не ги работиме веќе лозјата, додаваат тие.
И покрај тоа што оваа година е доста плодна и во тиквешијата се очекуваат над 100 милиони килограми грозје, само работната сила ќе ги чини земјоделците од 2 до 3 денари по килограм од сегашната цена на грозјето со што работата на лозарите ќе стане нерентабилна, односно ќе значи крај за лозарите, но и целосно замрување на градовите во регионот.
Земјоделците се загрижени и од временските прилики кои директно влијаат врз шекерните единици на грозјето и велат дека доколку заврне уште еден дожд ќе можат слободно да го фрлат грозјето, бидејќи „нема да има ни 1 шекерна единица“. Со оглед на досегашното искуство доколку се соочат со временски неприлики тие не очекуваат никаква помош од државата.