Времето претпладне ќе биде сончево со мала до умерена облачност. Попладне се најавува појава на нестабилност, пороен дожд, грмежи и засилен ветер. Минималната температура ќе се спушти до 20, а максималната ќе достигне 33 степени.
Слично време и во Македонија. Околу пладне на повеќе места се очекува пороен дожд, грмежи и засилен ветер. Локално се најавува невреме со пообилен пороен дожд, силни електрични празнења и град.
Минималната температура ќе се движи во интервал од 13 до 22, а максималната од 29 до 37 степени.
И во недела во попладневните часови ќе има развој на нестабилност проследена со пороен дожд, грмежи и засилен ветер. Наместа процесите ќе бидат поинтензивни. Температурата и во недела ќе биде пониска за неколку степени. Услови за изолирана појава на нестабилност ќе има и во понеделник по што следува период на стабилно време.