Претседателот на Србија Александар Вучиќ разговараше денеска преку видео врска со раководството на Синофарм за процесот на набавка на вакцини, изградбата на кинеска фабрика за вакцини во Србија, како и за изградбата и опремата на српските болници, соопштија од кабинетот на српскиот претседател.
За време на состанокот потпишан е Договорот за набавка на два милиони нови дози вакцини Синофам, на кој присуствуваше и кинеската амбасадорка во Белград, Чен Бо.
Вучиќ ја пренесе благодарноста на претседателот на Кина Си Џинпинг, раководството на Комунистичката партија и на претставниците на „Синофарм“ за помошта во снабдувањето со вакцини и кажа дека најголемиот број српски граѓани се вакцинирани со таа вакцина.
-Тој посочи дека српските експерти дале многу високо мислење за квалитетот и безбедноста на вакцината Синофарм, се наведува во соопштението.
Претседателот на групацијата Синофарм, Лиу Џингжен, изјави дека „се среќни што можат да го поддржат народот во Србија во борбата против вирусот“.
-Ја цениме довербата на граѓаните во нашиот производ, кажа тој.
Тема на разговорите била и изградбата, реконструкцијата и опремувањето на болниците во Србија.
Како што јави допсиникот на МИА од Белград, во Србија до сега се ревакцинирани 809.626 граѓани и според бројот на ревакцинирани на милион жители, Србија е прва во регионот, а втора во Европа, после Монако.
