Српските пожарникари кои беа испратени во Македонија за да помогнат со гаснење на пожарите, денес ќе заминат за Атина каде што ситуацијата е алармантна и потребна им е помош за справување со огнената стихија која зафати илјадници хектари шума.
– Освен хеликоптерите коишто се лимитирани, а каде што на помош ни дојдоа српски хеликоптери коишто денес заминаа, и мислам дека заминуваат за Атина каде што ситуацијата е ептен сериозна, рече во денешната изјава од Будинарци директорот за управување со кризи Стојанче Ангелов.
Тој додава и дека имаме доволно ресурси на терен и без српските хеликоптери, но и дека се уште остануваат на терен екипите од Бугарија, Словенија и Австрија.
– Останатите ресурси се доволно, односно ние имаме доволно противпожарни единици на терен особено ако ги земеме во предвид и единиците коишто дојдоа од страна, овде имаме голем број на пожарникари од Австрија коишто се исклучително професионални со исклучително добра опрема , имаме пожарникари од Словенија со исто така одлична опрема и тренинг и пожарникари од Бугарија, вели Ангелов.
На терен е активен и романскиот авион “Xеркулес” кој ќе делува врз пожарите додека има потреба.
– Воедно во текот на денешниот ден дејствува и еден романски авион коишто во овој момент гасне во скопскиот регион, а истиот по потреба може да биде упатен и на друго место, изјави Ангелов.