Пациентите меѓу 40 и 50 години го понесоа најголемиот ризик од ковид-19 и најмногу ги осетија последиците што ги остава вирусот, а бројките со компликации кај средната популација се најголеми, вели директорката на Клиниката за инфективни болести и фебрилни состојби, Mилена Стевановиќ, за телевизија Сител.
Таа вели дека се преполовени бројките на новозаболени и на пациенти на кои им треба хоспитализација и се надеваат дека се гледа крајот на пандемијата, ама тоа не треба да биде мотив за опуштање.
– Ова ни покажува дека има надеж во справувањето и дури се гледа и крајот на оваа голгота, но никако тоа да не се гледа како опуштање. Нов наплив нема да биде добар и за граѓаните и за здравствените работници – вели Стевановиќ.
Од хоспитализираните најголем број се со тешка клиничка слика и на кислородна поддршка.