Денес можеме ние да говориме кај нас за предавство на интелектуалците, а не за некоја добивка. Ова го насети уште нашиот Ѓорѓија Пулевски, пред две столетија, ѕидарот од Галичник, а според мене најголемиот македонски преродбеник – вели Ефтим Клетников во емисијата „Од наш агол“
Ѓорѓија Пулевски беше првиот кој укажа на нашата генеза од која ние се срамиме, вели Клетников додавајќи дека е ноторна глупост и шизофренија докажувањето дали ние сме антички Македонци или Словени.
„Има една извонредно конзистентна линија по која оди нашиот идентитет, толку прецизна, немилосрдна како кај ниеден друг народ. Тоа е името!“ – вели Клетников.
Ситуацијата до која сме доведени е завршниот удар да се ликвидира идентитетот, додава Клетников.
„Нашиот човек од Муртино кој се претставува како визионер може да прими десет идентитети денес. Беше во Белград кажа дека сме Срби, беше во Софија кажа дека сме исти со Бугарите. И тука е раздорот. Пред се тоа е притисокот страшен од Брисел и од Вашингтон“ – смета Клетников.
