April 18, 2024, 10:24 am

Струмичани во вojна со kлaнoт Зaeви: Преку зaбaва ќе покажат граѓанска непocлyшност

Поврзано

- Advertisement -
- Advertisement -

Клубот „Аватар“, кој беше затворен во јули на еден месец, се пререгистрирал во Централниот регистар како кафе бар, а по објави на социјални мрежи дека таму се одржуваат забави, инспектори на Пазарниот инспекторат извршиле контрола, но не констатирале неправилности.

Портпаролката на СДСМ Богданка Кузеска, во гостување во емисијата Само Вистина на Канал 5 пред неколку дена потврди дека ноќниот клуб Аватар продолжил со работа и по бурните реакциите од страна на граѓаните за непочитување на здравствените прописи, но преименувајќи се во кафе бар „Аватар“.

Дискотеката од медиумите се поврзуваше со семејството Заеви, а останатите сопственици на локали и дискотеки во Струмица најавија граѓанска непослушност на протест преку забава.

„Протест преку забава“ –

Не може некој да работи а друг не, а воедно да нема никакви протоколи за истите!

Ве замолуваме да најдете решение за сите нас. Нели се ветуваше „еднакво“ општество за сите? Сакаме еднакви закони, еднакви протоколи, еднаква можност за старт, а понатаму духот на натпреварот, компетицијата и претприемништвото нека победи! Засегнати сме сите угостители, кој повеќе кој помалку. Но и многу други артисти, музичари и уметници кои го вадат својот леб како и лебот за своите фамилии.

Не сакаме да спомнуваме одредени бизниси, но знаеме дека има фабрики со голем број на вработени кои работат, што е нормално, и треба да работат. За нив се најде решение. Јавниот превоз работи, казината кои се со огромен капацитет, работат. Гледаме дека се организираат и концерти дури. Па тогаш зошто да не се најде решение за сите останати како нас? Сакаме и ние да функционираме, а не да бидеме затворени – се разбира, со посебни протоколи! Не може едните „дискотеки“ да работат, а другите не и воедно да нема никакви протоколи за истите. ЗАКОН ЗА СИТЕ, ИСТО. Или сите отвараме или никој!

Воедно, ова е и револт против неправедно донесените мерки и протоколи! Сакаме слободен живот и слобода во работата Ги повикуваме сите засегнати од ова зло да дојдат на забава! И да си го побараме нашето право за живот и иднина за нас младите!

Бидејќи веќе подолг период нема слух од ниту еден орган за сите нас се решивме да одржаме забава според сите пропишани протоколи за живот од страна на СЗО! Пуштете не да продолжиме со живот на наша свест! Бидејќи видовме дека ниту нешто функционира, ниту пак дадоа резултат досега донесените мерки, ВЕ ЗАМОЛУВАМЕ да најдете поддеднакво решение и протоколи за сите нас!

Никој не сака да му се случи лошо! Со таа медиумска пропаганда внесовте психичко растројство и страв кај цело население, Никој не сака да му се разболи најблискиот, а не па да се случи и најлошото, но ние мора да продолжиме со животот!

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This