Шпанската тенисерка Карла Суарез Наваро приреди изненадување и патува во четвртфиналето на УС Опен, затоа што во мечот со Марија Шарапова беше подобра со 2-0 во сетови (6-4, 6-3).
Суарез Наваро на денешен ден го славеше својот 30. роденден и извојува голема победа над Русинката, која на теренот изгледаше непрепознатливо и не играше како да ја има улогата на фаворит.
Во првиот сет, Наваро тргна одлично, поведе со 4-1, а потоа дојде до предност, додека во вториот решавачки сет кој се отвори со два брејка, Шпанката освои сервис на Шарапова при 3-2 и 6-3, за да ја комплетира сензацијата.
Во четвртфиналната фаза на последниот Грен Слем турнир сезонава Суарез Наваро ќе игра со Медисон Кис од САД, која беше подобра од Доминика Цибулкова. За шпанската тенисерка ова е втор пласман меѓу осумте најдобри на престижниот турнир.