Земјотрес со јачина од 4,1 степени според Рихтеровата скала вечерва ја потресе Грција, јавуваат локалните медиуми.
Според порталот „Flash.gr“, Обединетата национална сеизмолошка мрежа регистрирала земјотрес на 352 километри од Атина.
Според последните информации, епицентарот бил на 19 километри од градот Тилос.
За потсетување, два земјотреси, со јачина од три и 3,1 степен, беа регистрирани во Грција нешто по 19,41 часот по локално време.
Земјотресите се регистрирани во околината на Лариса, на длабочина од шест километри, објави Европско-медитеранскиот сеизмолошки центар, пренесе Танјуг.
За потсетување, во Јадранскиот регион денес беше регистриран земјотрес од 3,2 степени според Рихтеровата скала, кој беше почувствуван на Корчула и Вис.