По официјалната посета на Република Албанија, претседателот на Собранието на Република Македонија, Талат Џафери, денес и утре ќе биде во работна посета на Република Бугарија.
Тој ќе присуствува на пленарната седница на бугарскиот парламент.
Како што информира кабинетот на претседателот на македонскиот парламент, Џафери ќе остане во Бугарија за време на пленарната седница на бугарскиот парламент, каде што ќе биде ратификуван Протоколот за пристапување на Република Македонија во НАТО.
По ратификацијата, шефот на Собранието, Талат Џафери, ќе има краток состанок со претседателот на бугарскиот парламент, Цвета Карачанчева, со која заедно ќе дадат изјава за медиумите.
За време на посетата, се предвидува средба и со заменик-премиерот и со МНР Екатерина Захариева