Утрово во Основниот суд 1 во Скопје дошло до тежок инцидент, откако вработен физички нападнал судија во неговата судница – пренесува порталот „Досие“
Тепачката се случила во судницата на поранешниот претседател на судот Владимир Панчевски, а напаѓачот е идентификуван како Горан Стаменковски инаку раководител во судот и близок соработник на новиот претседател Иван Џолев.
Како што информира „Досие“, била повикана и интервенирала полицијата, а бил известен и дежурен јавен обвинител. Панчевски има можност и најверојатно ќе го гони напаѓачот со приватна тужба за напад.
Горан Стаменковски е лице познато на јавноста по големиот број на инциденти во кој беше вмешан претходно. Истиот заработи и кривична пријава поради нападот на портпаролката на судот Паула Костадиновска.