Принцот Хари и неговата сопруга Меган, кои според пишувањата на американските медиуми од Канада се преселиле во Лос Анџелес, сами ќе си го плаќаат обезбедувањето. Ова денеска преку својот твитер профил го соопшти американскиот претседател Доналд Трамп.
-Сега тие се преселиле од Канада во САД, сепак, САД нема да го плаќаат нивното обезбедување. Тие мораат да платат!, напиша Трамп на Твитер.
Хари и Меган во јануари објавија дека ги прекинуваат своите активности во рамките на британското кралско семејство, со цел да станат финансиски независни.