Претседателот на Соединетите држави Доналд Трамп предвидува „уште поголема“ изборна победа за неговата кампања овој ноември отколку во 2016 година.
Говорејќи во петокот на тркалезна маса „Латиноамериканците за Трамп“ во Флорида, американскиот претседател им порача на присутните да очекуваат „уште четири големи години“ доколку го победи поранешниот потпретседател Џо Бајден, тврдејќи дека 2021 година ќе биде „една од најдобрите“ досега за американската економија.
Претходно оваа недела, две анкети на Универзитетот „Квинипиак“ покажаа дека Трамп го води Бајден во Тексас, но двајцата кандидати за претседател се практично изедначени во Охајо, држава која традиционално важи за „бojното поле“.