Конгресот на САД го усвои компромисниот предлог за гранична безбедност со кој ќе се избегне нова блокада на американската влада, но и покрај то претседателот Доналд Трамп планира да воведе вонредна состојба, соопшти АП.
Трамп планира да прогласи вонредна состојба за да може и без согласност од конгресмените да дојде до средства за изградба на ѕидот на границата помеѓу САД и Мексико.
Конгресот одобри 1.4 милијарди долари, наместо 5.7 милијарди, колку што побара Трамп.
Белата куќа соопшти дека Трамп се согласил со одлуката на конгресот, а остатокот од сумата ќе ја обезбеди со еднострано делување.
Американските демократи го осудија Трамп, а неколку држави кој би можеле да претрпат финансиски загуби поради потегот на Трамп најавија тужби наведувајќи дека американскиот претседател ја злоупотребува својата положба.