Бројот на загинати во автобуската несреќа, во која изгоре возилото, а се случи на магистралниот пат „Струма“ во Бугарија е 46. Бугарските власти разгледуваат три можни сценарија за трагедијата.
Претходно, бугарските медиуми пишуваа за 45 жртви, од кои 12 деца, меѓу кои и близнаци.
На 31.километар на магистралниот пат „Струма“ автобус со регистарски таблици од Македонија се запалил помеѓу 02.00-03.00 часот утрината, откако во Бугарија влегол од Турција во 21.00 часот вчеравечер.
Orribile strage nella notte in Bulgaria.Un bus della Macedonia del Nord,dopo un incidente ha preso fuoco e pesante e’ il bilancio delle vittime: almeno 45 morti. Sul mezzo anche 12 bambini. Solo 7 persone si sarebbero salvate. La tragedia sull’autostrada, 40 km a sud di Sofia. pic.twitter.com/imI9vKSGit
— Franco Scarsella (@FrancoScarsell2) November 23, 2021
Во автобусот, според првичните информации имало 53 патници.
Несреќата ја преживеаа седум патници, кои се згрижени во болница во Софија каде се наоѓаат во стабилна состојба, според информациите кои ги пренесе претставник на Итната помош.
Bulgaria, si schianta bus Macedonia Nord: almeno 45 morti #bulgaria https://t.co/0wYO7W33cm pic.twitter.com/nuFiM10Pu5
— Tgcom24 (@MediasetTgcom24) November 23, 2021
Бугарските власти разгледуваат три можни причини за трагедијата – влажен коловоз, техничка неисправност или возач кој заспал на воланот.
Бугарскиот министер за внатрешни работи Бојко Рашков рече дека заштитната ограда на авто-патот е пробиена и дека пожарот во автобусот можно е да избил како последица од контактот на возилото со оградата.
Според една верзија, пожарот избувнал уште пред несреќата, според РИА Новости.
Автобусот кој се враќал од Истанбул, вчеравечер околу 21.00 часот ја преминал границата кај „Капетан Адреево“, а бугарските медиуми пренесуваат дека несреќата се случила изутринава околу 03.00 часот на автопатот Софија-Благоевград, кај местото Боснек, на 31.километар од Софија.