Претседателот на планинарската федерација Јовица Угриновски на распит во Јавното обвинителство.
Семејствата на загинатите планинари упатија писмо до медиумите реагирајќи дека и по два месеци од смртта на Калина и Александар институциите молчат. Обвинуваат дека планинарската федерација и понатаму издава лиценци за водичи, а Трансверзалец повторно си организира планинарски тури, без никој да утврди дали тоа им е дозволено.
Досега никој не ја понесе одговорноста за трагедијата. 26-годишната Калина Велеска и 36-годишниот Александар Миновски загинаа при турата на Кајмакчалан.Првичните информации се дека и покрај лошото време била одржана планинарската акција, а двајцата загинати не успеале да се вратат во планинарскиот дом. Се уште не се расветлени сите околности за смртта на двајцата млади, но, искусни планинари.